Hikvision 海康威視門禁安裝
香港防盜作為安裝商及經銷商，提供 Hikvision 海康威視門禁安裝，由勘察、設計、施工到軟件調試同帳號移交一手完成，唔會將工程再發包。持牌主體為傑成系統有限公司（KNS SYSTEM LTD），保安牌照 1507、電業承辦商 029394。免費上門報價，電話 2122-9527。
海康嘅強項唔止係人臉機，而係閉路電視、對講、門禁可以同一生態。辦公室、商廈、連鎖店如果已經用海康鏡頭，門禁跟 Hikvision，權限同畫面先至唔使兩套系統對唔齊。提供持牌安裝、加門同保養。
四種常用工程方案
唔好未問門數同現有海康鏡頭就整套 HikCentral。以下四種係香港寫字樓、商廈同連鎖最常落地嘅組合；型號只作選型起點，規格以單品頁同原廠 datasheet 為準。
| 方案 | 適合 | 核心設備 | 軟件 |
|---|---|---|---|
| 單門人面／指紋機 | 舖面、內門、人流唔算大嘅寫字樓大堂 | 人面或指紋獨立機＋電鎖＋出門掣，例如 DS-K1T690MW、DS-K1T808MFX | 終端網頁或 iVMS-4200；東主手機 Hik-Connect |
| 多門控制器＋讀頭 | 層門多、要集中權限同反潛回 | 網絡控制器＋讀頭，例如 DS-K2814、DS-K1109DKFB-QR | 細盤網頁／iVMS；門多再上 HikCentral Lite 或 Access Control |
| 人面門口＋現有海康鏡頭 | 已有海康 NVR，要拍卡／人面事件對畫面 | 人面終端或讀頭＋現有鏡頭，例如 DS-K1T690MW | HikCentral Lite／Professional；單門可先用 Hik-Connect |
| 通道閘機 | 大堂、廠區人流通道 | 三輥閘或拍閘＋讀頭／人面，例如 DS-K3G501CX、DS-K3G530X | 聯動門禁控制器；停電同消防通道要寫入圖則 |
品牌特性：海康門禁實際點用
常見組合係網絡控制器加讀頭，或者 MinMoe 等人臉終端直接管一扇門。憑證可以係卡、密碼、人臉、指紋、動態 QR Code，按門口風險分級：大堂拍卡、機房加人臉。控制器斷網仍然可按已下載權限開關，唔會一斷線就變成裝飾。
香港現場多數要對現有木門／玻璃門電鎖、外出按鈕、門磁同消防解鎖。需要可加 UPS，避免停電鎖死人或者失紀錄。想睇店內型號可到 Hikvision 門禁產品。
軟件方案：唔同規模用唔同套
海康門禁唔係「裝部機就完」。邊套軟件決定你之後點加員工、點出報表、可唔可以連鏡頭。以下係我哋上門會按現場建議嘅分層，唔會細店硬上企業伺服器。
| 軟件／平台 | 適合 | 日常做咩 |
|---|---|---|
| 裝置網頁／終端本機 | 1–2 門小店、臨時盤 | 現場加員工、睇進出紀錄，唔使另裝電腦伺服器 |
| iVMS-4200 | 單點調試、中小企桌面管理 | 免費客戶端，工程師設定鏡頭同門禁；細盤可留俾管理員日常用 |
| Hik-Connect | 東主／值班用手機 | 遙距通知、簡單開關；帳號必須移交公司，唔好綁私人戶口 |
| HikCentral Lite | 中小企、要視像＋門禁一齊 | 統一平台、硬件要求較低，適合已經有海康 NVR 嘅寫字樓 |
| HikCentral Professional | 多門、多分店、要角色權限 | 伺服器架構：門禁、對講、考勤、地圖、反潛回、多因素核實 |
| HikCentral Access Control | 以門禁同考勤為主 | 唔使一次過買齊全套 HikCentral 模組時用 |
幾時要由 iVMS-4200 升 HikCentral：多分店要同一個權限中心、要人事部同保安部分開帳號、要健康監測或者門禁事件即時對畫面。單門小店用 Hik-Connect 已經夠。
Hikvision 海康威視門禁安裝同調試
免費上門勘察：門類、鉸、電鎖方向、現有卡格式、網線同電源、係咪已有海康 NVR。方案會寫明讀頭／人臉機、控制器、軟件用邊一層。
持牌安裝：讀頭、電鎖、電源、外出按鈕、門磁；需要可加 UPS 同消防聯動。設定包括門組、時段、反潛回、首人開門等，按你場地保安級別開，唔會全部功能一次堆落細盤。
軟件交接：建立公司管理員帳號、教加減員工、匯出紀錄、備份。如果用 Hik-Connect，一併交裝置分享同解綁流程。其後可安排保養同韌體更新。
安裝價錢點計
單門拍卡一般數千元起；人臉終端、多門控制器、HikCentral 授權同伺服器要另外按規模報。差價主要喺終端機型號、係咪對接現有卡、同軟件停喺 iVMS 定要上 HikCentral。報價逐項列明，唔會中途加價。
常見問題 FAQ
你哋裝唔裝 Hikvision 海康威視門禁？
裝。由勘察、拉線、裝讀頭／人臉機、配軟件到設定權限，全部由傑成工程團隊上門完成，唔會外判。
海康門禁要用邊套軟件？
細盤多數用裝置網頁或 iVMS-4200 調試，東主用 Hik-Connect 睇手機。多門、要角色權限或連閉路電視對講，先配 HikCentral Lite／Professional 或 HikCentral Access Control。上門會按門數同現有海康鏡頭一齊定。
Hik-Connect 可唔可以綁工程師私人帳號？
唔應該。遙距帳號要交返公司管理員，工程師只做安裝同移交。之後加減員工、撤權限都由你哋自己管。
海康門禁可唔可以連現有海康閉路電視？
可以。同一套 HikCentral 或 iVMS-4200 可以對到拍卡／人臉事件同畫面，方便查邊個幾點入門。
已有其他品牌讀頭，可唔可以加海康人臉機？
好多時得。要睇控制器通訊（Wiegand／OSDP／RS-485）同卡片格式。能加就加，唔使拆晒重做。