Soyal 碩陽門禁安裝
香港防盜作為安裝商及經銷商，提供 Soyal 碩陽門禁安裝（茂旭／碩陽控制器），由勘察、加門、維修到701ServerSQL／701ClientSQL 設定一手完成，唔會將工程再發包。持牌主體為傑成系統有限公司（KNS SYSTEM LTD），保安牌照 1507、電業承辦商 029394。免費上門報價，電話 2122-9527。
香港好多中小企、工廈單位用咗 Soyal 十年八年。控制器穩、讀頭同電源零件常見，壞一部或者加一道門，唔使整套換成海康。提供持牌維修、擴充同新裝。
四種常用工程方案
Soyal 強項係控制器同 701 軟件，唔係人臉生態。本站已上官方 AR- 現貨：讀卡機、多門控制器、讀頭、電鎖、IO 模組同出門掣。規格以單品頁同原廠資料為準；
| 方案 | 適合 | 核心設備 | 軟件 |
|---|---|---|---|
| 單門讀卡機 | 工廈單位、細寫字樓，可單機或連網 | 觸碰式讀卡機＋電鎖＋出門掣，例如 AR-725H、AR-725-E、AR-PB2 | 單機本機時段；連網用 701ClientSQL 發卡 |
| 舊盤加一道門 | 已有碩陽控制器同 701，只加層門 | AR-321-H 或 AR-725H 作讀頭／獨立門，接現有 RS-485／WG | 先備份 701 資料再加站號，避免覆蓋卡名單 |
| 多門連網 | 幾道門、要門組同時段、圖控 | AR-716-E18、AR-716-E16 加讀頭；485 質素同電源要先量 | 701ServerSQL 常駐；人事用 701ClientSQL。多人同時改資料用 SQL 模式 |
| 門禁兼出勤／IO | 中小企刷卡要出日報；要加捲閘或警報聯動 | 同一套卡同控制器；IO 例如 AR-727-CM-IO-0804R | 701Client 設第一筆／最後一筆；人資同保安帳號分開權限 |
現有型號見 Soyal 門禁目錄。系統總覽見 門禁系統。
品牌特性：控制器為本，唔係人臉生態
Soyal 強項係多門控制器、時段、門組、I/O 聯動（捲閘、警鐘、電梯樓層）。拍卡／密碼為主，人臉通常係後加。通訊傳統用 RS-485；E 系列有 RJ45 可直接 TCP。舊盤好常見一部 AR-727 類控制器帶幾道門。
想睇型號可到 Soyal 門禁產品。勘察會數站號、量 485 線質素、睇電源夠唔夠再加門。
軟件方案：701Server 同 701Client 分工
呢套軟件係台灣原廠架構，香港現場極常見。裝錯「淨裝 Client 冇 Server」、或者檔案模式當資料庫模式用，之後多人同時發卡就會亂。
| 軟件／平台 | 適合 | 日常做咩 |
|---|---|---|
| 701ServerSQL | 工程／網管 | 常駐服務：輪詢或接收控制器、區域 Area、硬體參數、資料庫 |
| 701ClientSQL | 人事／保安值班 | 人員、卡號、門組、時段、假日、出勤日報月報、圖控同電郵通知 |
| 檔案模式 | 單機細公司 | 一部電腦做齊；同時多人改資料較受限 |
| MariaDB／MSSQL 模式 | 總部要幾部電腦一齊用 | 一部 Server 最多約 16 個 Client 同時；可管多區域、大量控制器 |
| AR-727-CM／AR-321-CM | 舊 RS-485 要上網或 USB | 網絡轉換或隔離 USB 轉 485，再畀 701Server 連 |
| TCP-Linker | 要同其他系統對接 | JSON／XML／Modbus 介面，用嚟聯動而唔係取代 701Client |
考勤：701Client 可設第一筆／最後一筆或功能鍵。門禁同出勤同一條刷卡紀錄，人資同保安用同一資料庫，但軟件入面權限可以分開帳號。
Soyal 碩陽門禁安裝同調試
新裝會定站號、區域、門組同時段，再決定檔案定 SQL。加門會先讀現有 701 資料備份，避免覆蓋卡名單。
舊系統維修常見：轉換器死、485 接觸不良、電源不足導致隨機死機。我哋會先備份再換件。驗收教 Client 發卡、撤權限、出報表，Server 密碼交 IT 保管。
安裝價錢點計
加一道拍卡門視乎有冇多餘門位同電源。新裝連 701 軟件設定、轉換器、電鎖分開報。沿用舊卡同舊控制器通常最慳。報價逐項列明，唔會中途先話要全套更換。
常見問題 FAQ
你哋裝唔裝 Soyal 碩陽門禁？
裝。新裝、加門、維修現有碩陽控制器，同埋 701ServerSQL／701ClientSQL 設定，都由傑成上門處理。
701Server 同 701Client 有咩分別？
701ServerSQL 係常駐後台，負責同控制器通訊、區域同資料庫，多數俾工程／IT 開。701ClientSQL 先至係人事或保安日常用：發卡、門組、時段、出勤報表、圖控。Client 一定要連住 Server，唔係兩套獨立門禁。
舊 Soyal 系統可唔可以加多一扇門？
多數可以。要睇控制器門數、電源同 485 匯流排。舊機可以用 AR-727-CM 上網再連 701Server，唔使成套拆走。
碩陽可唔可以改人臉？
可以保留碩陽控制器做拍卡門，另外加人臉機做機房或其中一道門，或者逐步升級。會先確認卡格式同開門繼電器點接。
要對接其他系統（例如報警或自己開發嘅程式）得唔得？
Soyal 有 TCP-Linker，可提供 JSON／XML／Modbus 介面。適唔適合要睇你對方系統，勘察後先定，唔好當所有軟件都即插即用。